गंभीर रुग्णांवरही आता प्लाझ्मा थेरपी!

@@NEWS_SUBHEADLINE_BLOCK@@

    03-Sep-2020
Total Views |
plasma therapy_1 &nb


मुंबईत तीन रुग्णांवर यशस्वी उपचार!


मुंबई : कोरोनाची तीव्र लक्षणे असणाऱ्या अत्यवस्थ रुग्णांवरही आता प्लाझ्मा थेरपी केली जाणार आहे. पालिकेने सुरू केलेल्या या उपचार पद्धतीला यश येत असून आहे. आतापर्यंत तीन गंभीर रुग्ण कोरोनामुक्त झाले आहेत. नायर रुग्णालयाचे अधिष्ठाता डॉ. रमेश भारमल यांनी ही माहिती दिली.


कोरोनाला रोखण्यासाठी मुंबई महानगरपालिका अहोरात्र मेहनत घेत आहे. प्रशासनाकडून केल्या जाणाऱ्या प्रभावी उपाययोजनांमुळे रुग्णसंख्या आता चांगलीच नियंत्रणात आली आहे. २ सप्टेंबरपर्यंत एकूण १ लाख १९ हजार ७०२ रुग्ण कोरोनामुक्त होऊन घरी परतले आहेत. तर आता केवळ २०८१३ सक्रिय रुग्ण असून विविध रुग्णालयात उपचार घेत आहेत. दरम्यान, कोरोनाबाधित रुग्णांवर इंडियन कौन्सिल ऑफ मेडिकल रिसर्चच्या गाईडलाईननुसार प्लाझ्मा थेरपीदेखील सुरू करण्यात आली आहे. यासाठी पालिकेचे मुंबई सेंट्रल येथील नायर रुग्णालय प्लाझ्मा थेरपी सेंटर बनवण्यात आले आहे. या प्लाझ्मा केंद्राच्या माध्यमातून आतापर्यंत ५२ रुग्णांवर प्लाझा थेरपी करण्यात आली असून संबंधित रुग्ण कोरोनामुक्त झाले असल्याची माहिती डॉ. रमेश भारमल यांनी दिली.


या प्लाझ्मा थेरपीला येणारे यश पाहता ही उपचार पद्धती मोठ्या प्रमाणात वापरली जाणार असल्याचेही ते म्हणाले. दरम्यान, या उपचार पद्धतीसाठी कोरोनामुक्त झालेल्या रुग्णांनी प्लाझ्मा दान करण्यासाठी पुढाकार घ्यावा असे आवाहन पालिका प्रशासनाने केले आहे. यासाठी प्लाझ्मा दान करणाऱ्यांना सेंटरवर आणणे, त्यांच्या आवश्यक चाचण्या करणे, प्रवास सुविधाही पालिकेच्या माध्यमातून देण्यात येत असल्याचे प्रशासनाकडून सांगण्यात आले.




@@AUTHORINFO_V1@@