‘द्राविडी भाषागट’ - फादर रॉबर्ट काल्डवेलचे कारस्थान

एकूणच द्राविडी भाषांची जर अशीच वैशिष्ट्ये दाखवून द्यायची असतील, तर या दाक्षिणात्य भाषा ‘इंडो-युरोपीय’ भाषागटात ठेवायला हव्यात, हे ओघानेच येते. पण, तरीही त्यांचा पूर्णपणे वेगळाच भाषागट बनविण्याचे नेमके कारण संपूर्ण संशोधनातून कुठूनही कळत नाही! मध्य आशियातून उत्तर भारतात सर्व ‘आर्यांचे’ स्थलांतर एकीकडे सांगायचे. पण, दुसरीकडे मात्र उत्तर भारतातून दक्षिण भारतात त्या आर्यांपैकी फक्त एकाच वर्गाचे स्थलांतर सांगायचे - यातच खरे तर या संशोधनातला लंगडेपणा चटकन लक्षात येतो. अशा पद्धतीने ‘परकीय आगंतुक आर्य’ विरुद्ध ‘मूलनिवासी’ असा पेटविलेला संघर्ष किती फोल आहे, अथवा ‘जागतिक मूलनिवासी दिन’ सारखे दिनविशेष सुद्धा किती व्यर्थ आहेत, हे लक्षात येते.