वन आणि वन्यजीव संवर्धनाला बळकटी; 'राज्य वन्यजीव मंडळा'चे निर्णय वाचा सविस्तर

या सूचनेला मुख्यमंत्र्यांनी प्रतिसाद देऊन यापुढे वनक्षेत्रात किंवा त्यालगतच्या परिसरामध्ये जमिनीखालून विद्युत वाहक आणि ऑप्टीकल फायबर तारा टाकण्यासंदर्भातील निर्णय प्राध्यानक्रमाने घेण्याचा आदेश दिल्याचे, अंधेरिया यांनी दै. 'मुंबई तरुण भारत'शी बोलताना सांगितले. बऱ्याचदा उन्नत स्वरुपाच्या विद्युत वाहक तारांमध्ये अडकून पक्षी आणि प्राण्यांचा जीव जातो. त्यामुळे हा निर्णय वन्यजीवांसाठी महत्त्वपूर्ण असल्याचे, अंधेरिया म्हणाले. 

 

 

 

संरक्षित वन क्षेत्रांमध्ये प्रस्तावित होणाऱ्या विकास प्रकल्पांच्या मंजुरीबाबतही महत्वपूर्ण निर्णय घेण्यात आला. वनक्षेत्रामधील प्रस्तावित विकास प्रकल्पाच्या मंजुरीसाठी यापुढे 'ईआयए' अहवालाबरोबरच त्या परिसराची ड्रोन कॅमेऱ्याने टिपलेली छायाचित्रे आणि व्हिडीओही सादर करणे आवश्यक असणार आहेत. बऱ्याचदा मंजुरीसाठी आलेल्या कागदावरील आराखड्याच्या आधारे तेथील वन अधिवास किंवा पर्यावरणाचा अंदाज येत नाही. त्यामुळे प्रकल्प राबविताना वन आणि वन्यजीव अधिवासाला धोका निर्माण होण्याची दाट शक्यता असते. मात्र, यापुढे प्रस्तावित होणाऱ्या प्रकल्पांसाठी ड्राॅन छायाचित्रे आणि व्हिडीओच्या आधारे आढावा घेऊनच परवानगी देणार असल्याचा निर्णय मुख्यमंत्र्यांनी घेतला आहे. तसेच बैठकीत चंद्रपूर जिल्ह्यातील वाघांच्या स्थलांतरणाच्या विषयावर सविस्तर चर्चा झाली. हा विषय अतिशय संवेदनशीलपणे आणि काळजीपूर्वक हाताळला पाहिजे, असे सांगून मुख्यमंत्र्यांनी यासाठी एक अभ्यास गट स्थापन करण्याचे आदेश दिल्याची माहिती वनमंत्री संजय राठोड यांनी दिली.