'मास्टरप्लान' तयार! भारतीयांना मिळणार मोफत लस !

 

 

 

 

नवी दिल्ली : केवळ भारताचे नाही संपूर्ण जगाचे लक्ष लागून असलेल्या कोरोना लसीसंदर्भात एक महत्वाची माहिती उघड झाली आहे. 'बिझनेस टुडे'ने या संदर्भात वृत्त दिले आहे. कोरोनाची पहिली लस ७३ दिवसांमध्ये येणार असून 'कोव्हीशिल्ड', असे तिचे नाव आहे. पुण्यातील सीरम इन्स्टिट्युटतर्फे तयार करण्यात आलेल्या या लसीला राष्ट्रीय लसीकरण मोहिमेत परावर्तीत केले जाणार आहे. केंद्र सरकार देशभरात याचे लसीकरण सुरू करणार आहे. मात्र, कोव्हीशिल्डने या बद्दलचे वृत्त फेटाळून लावले आहे. 

 

 

यापूर्वी तिसऱ्या टप्प्यातील चाचण्यांसाठी सात ते आठ महिने लागतील, अशी शक्यता व्यक्त केली जात होती. मात्र, १७ केंद्रांपेकी १६०० स्वयंसेवकांवर २२ ऑगस्टपासून ही चाचणी सुरू केली जात आहे. त्यात एका केंद्रात शंभरपर्यंत स्वयंसेवक आहेत. केंद्रीय आरोग्यमंत्री हर्षवर्धन यांनी दिलेल्या माहितीनुसार, कोरोना लसीकरण आता तिसऱ्या टप्प्यात आले आहे. लस पूर्णपणे तयार असेल, असा विश्वासही त्यांनी व्यक्त केला.

 

 

 

 

केंद्र सरकारने यापूर्वीही SII संस्थेला संकेत देऊन कोरोना लस खरेदी करणार असल्याचे म्हटले होते. देशभरात मोफत कोरोना लस पोहोचवण्याची तयारी सरकार करत आहे. पुढील जूनपर्यत सीरम इन्स्टिट्युटकडे ६८ कोटी लसींची गरद असल्याचेही म्हटले आहे. इतर ठिकाणी भारत बायोटेकद्वारे विकसित केली जाणारी कोवॅक्सिन आणि जाईडस कॅन्डीलाची ZyCoV-D या लसी मागवू शकतात.

 

 

 

 

भारत बायोटेकचे सीएमटी कृष्णा एल्ला यांनी दिलेल्या माहितीनुसार, कोरोना सुरक्षेच्या नियमांचे पालन करूनच लस निर्माण केली जाईल. त्याबाबतीत कुठलीही तडजोड किंवा शॉर्टकट घेतला जाणार नाही. दर महिन्याला सहा कोटी लसींची निर्मिती केली जाणार आहे. उत्पादन ६ कोटींवरून जून २०२१ १० कोटींवर नेण्याची तयारीही सुरू केली जाणार आहे.