रिया चक्रवर्ती आणि महेश भट्ट यांचे व्हॉट्सअप चॅट व्हायरल!

    दिनांक  21-Aug-2020 13:06:32
|
rhea_1  H x W:


सुशांतचे घर सोडल्यावर रियाचा महेश भट्ट यांना मेसेज!

मुंबई : सुशांत सिंह राजपूतच्या मृत्यूचा तपास सीबीआयकडे सोपवण्यात आला असून यासाठी अधिकाऱ्यांची टीम मुंबईत दाखल झाली आहे. याच दरम्यान, दिग्दर्शक महेश भट्ट आणि सुशांतची गर्लफ्रेंड रिया चक्रवर्तीचे व्हॉट्सअप संभाषण व्हायरल होत आहे. सोशल मीडियावर शेअर केल्या जाणाऱ्या या चॅटमध्ये सुशांतच्या मृत्यूच्या अवघ्या ६ दिवसांपूर्वी अर्थात ८ जूनच्या रात्रीचे संभाषण आहे. ही चर्चा त्या रात्री ७:४३ से ८:०८च्या दरम्यान झाली आहे. याच दिवशी रिया सुशांतचे घर सोडून निघाली होती. यात महेश भट्ट यांनी रियाला आता मागे वळून पाहू नकोस असा सल्ला दिला होता.


सध्या या संभाषणाचे काही स्क्रीनशॉट सोशल मिडीयावर व्हायरल होत आहेत. यामध्ये रिया महेश भट्टसमोर स्वतःला त्यांनीच दिग्दर्शित केलेल्या जलेबी चित्रपटातील आयशा असे उद्देशून बोलताना दिसून आले. तिने सुशांतचे घर सोडल्याचे सांगताच महेश भट्ट यांनी तिला आता मागे वळून बघू नकोस, तू धाडसी आहेस, मला तुझ्यावर गर्व आहे, अशा आशयाचा रिप्लाय दिला.


मुंबई पोलिसांनी रियाची चौकशी केली तेव्हा रियाने म्हटले होते की सुशांतने तिला घराबाहेर होण्यास सांगितले होते. कारण तिच्या वडिलांना हे नाते आवडले नाही. रिपोर्ट्सनुसार, महेश भट्ट यांनीच रियाला ब्रेकअप करण्याचा सल्ला दिला होता. रियाने सुशांतच्या मानसिक आजाराबद्दल इतरांना देखील सांगितल्याचे बोलले जात आहे. सुशांतची बहीण मीतूने दावा केला होता, की रियाने तिला फोन करून फ्लॅटवर बोलावले होते. मीतू जेव्हा फ्लॅटवर पोहोचली तोपर्यंत रिया तेथून निघून गेली होती.




आता महाMTBच्या बातम्या आणि लेख मिळवा एका क्लिकवर. Facebook, Twitter, Helo वर आम्हाला फॉलो करा, महाMTB You tube चॅनलला सबस्क्राईब करा. डाऊनलोड करा महाMTB App.