दाभोळकरांच्या हत्येवेळीही गृहखाते राष्ट्रवादीकडेच होते : भातखळकर

मुंबई : सुशांत सिंह राजपूत प्रकरण नरेंद्र दाभोळकरांच्या हत्या प्रकरणा सारखे होणार नाही ना, असा खोचक सवाल विचारणाऱ्या राष्ट्रवादीचे अध्यक्ष शरद पवार यांना भाजप आमदार अतुल भातखळकर यांनी चोख प्रत्युत्तर दिले आहे. ज्यावेळी दाभोळकरांची हत्या झाली त्यावेळी राष्ट्रवादी आणि काँग्रेस आघाडीचे सरकार राज्यात होते आणि गृहमंत्रीही तुमच्याच पक्षाचा होता, तुमच्या सरकारने तब्बल १४ महिने या प्रकरणाशी निगडीत पुरावे नष्ट करण्याचा प्रयत्नही केला, हे विसरू नका', अशा शब्दांत पवारांचा समाचार घेतला.