सीबीएसबी बोर्डाच्या निकालाची तारीख जाहीर झाली नाही ! व्हायरल पत्र खोटे

नवी दिल्ली : सीबीएसई बोर्डाने गुरुवारी परिपत्रक जारी करत परीक्षांच्या निकालाच्या तारखा जाहीर केल्या, अशी घोषणा एएनआय या वृत्तसंस्थेने दिली होती. बारावीचा निकाल ११ जुलै रोजी तर दहावी बोर्डाचा निकाल १३ जुलै रोजी लागणार आहे, असे या पत्रकात म्हटले होते. परंतू वृत्तसंस्थेने दाखला देऊन प्रसिद्ध केलेले पत्रक हे अधिकृत नसल्याचा खुलासा सीबीएससीतर्फे करण्यात आला आहे. विद्यार्थ्यांनी अधिकृत माहितीवरच विश्वास ठेवावा, असे आवाहन बोर्डाने केले आहे.