जम्मू : काश्मीरातील बारमुला जिल्ह्यात सोपेर येथे एक हृदयद्रावक घटना घडली. सकाळी दहशतवाद्यांनी सीआरपीएफच्या भागात हल्ला चढवला होता. या दरम्यान, गोळीबारात एका वृद्धाचा मृत्यू झाला. मात्र, त्यांचा तीन वर्षांचा नातू आपल्या आजोबांना रक्ताच्या थारोळ्यात टाकून पळाला नाही.
धीटपणे तो तिथेच बसून राहीला, काहीकाळ त्याने आपल्या आजोबांना तिथून हलवण्याचा प्रयत्न केला. मात्र, अपयश आल्यानंतर आजोबांच्या मृतदेहावर तसाच बसून राहिला. गोळीबाराच्या आवाजात न डगमगता तिथेच बसून राहिला. जवानांनी त्याची तिथून सुटका केली.