कोरोनाने मृत पावणाऱ्या कोरोनायोद्ध्यांना शहिदांचा दर्जा द्या : आठवले

मुंबई : कोरोनाच्या जीवघेण्या संकटकाळात समाज रक्षणासाठी कोरोना विरुद्ध लढणारे अहोरात्र काम करणाऱ्या पोलीस अधिकारी; पोलीस शिपाई ; कर्मचारी; रुग्णालयातील डॉक्टर ; नर्स;वॉर्ड बॉय तसेच महापालिकेचे कर्मचारी हे सर्व कोरोनायोद्धे असून कोरोना विरुद्ध लढताना या योद्ध्यांचा मृत्यू झाल्यास त्यांना शहिदांचा दर्जा द्यावा अशी मागणी केंद्रीय सामाजिक न्याय राज्यमंत्री रामदास आठवले यांनी केली आहे.