देशाचा उल्लेख 'इंडिया' नव्हे 'भारत' किंवा 'हिंदुस्तान' व्हावा : जनहित याचिका दाखल

याचिकेवर शुक्रवारी सुनावणी होणार होती. परंतु सरन्यायाधीश एस.ए.बोबडे गैरहजर राहिले. इतर याचिकांसह या याचिकेवरील सुनावणीही दोन जूनपर्यंत टाळण्यात आली. सरन्यायाधीश बोबडे यांच्या अध्यक्षतेखालील खंडपीठासमोर २ जून रोजी या याचिकेवर सुनावणी होईल. याचिकेत १९४८ मध्ये तत्कालीन प्रस्तावित संविधानाच्या आर्टिकल १ बाबत संविधान सभेच्या चर्चेचा दाखला देत म्हटले आहे की, 'देशाचे नाव ‘भारत’ किंवा ‘हिंदुस्तान’ ठेवण्याच्या बाजूने अनेक जण होते. आता देशाला मूळ आणि वास्तविक नाव भारत देण्याची वेळ आली आहे. विशेषत: आता आपल्या शहराची नावे भारताच्या आत्म्याशी जोडून बदलली जात आहेत.'