अरुण गवळीला न्यायलयाचा दणका

नागपूर : अंडरवर्ल्ड डॉन अरुण गवळीला न्यायालयाने दणका देत नवी मुंबईतील तळोजा कारागृहात आत्मसमर्पण करण्याचा आदेश दिला. गवळीने पॅरोल वाढवून देण्यासाठी न्यायालयाकडे अर्ज केला. मात्र, नागपूर खंडपीठाने त्याच्या पॅरोलमध्ये वाढ करण्यास नकार दिला.

शिवसेना नगरसेवक कमलाकर जामसांडेकर यांच्या हत्येप्रकरणी गवळी नागपूर कारागृहात जन्मठेपेची शिक्षा भोगत आहे. पत्नीच्या गंभीर आजारपणाचे कारण देत तो ४५ दिवसांसाठी पॅरोलवर बाहेर आला. २७ एप्रिलला त्याने कारागृहात हजर राहणे अपेक्षित होते. मात्र, कोरोनामुळे त्याची पॅरोल १० मेपर्यंत वाढवण्यात आली. त्यानंतरही न्यायालयाने गवळीच्या मागणीनुसार त्याला २४ मे पर्यंत मुदतवाढ दिली. असे असूनही आणखी मुदतवाढ त्याने मागितली.