महाराष्ट्रामध्ये ३१ मेपर्यंत लॉकडाऊन वाढवला

 

 

मुंबई : देशामध्ये सर्वाधिक कोरोनाबाधीताची संख्या ही महाराष्ट्रामध्ये आहे. राज्य सरकारने महाराष्ट्रातील लॉकडाऊन हा ३१ मेपर्यंत वाढविण्याचा निर्णय घेतला आहे. कोरोनाचा वाढता प्रादुर्भाव पाहता राज्य सरकारने हा निर्णय घेतला आहे. राज्यातील कोरोनाबाधित रुग्णांची एकूण संख्या ३० हजारांच्या वर गेली आहे. कोरोना विषाणूचा प्रादुर्भाव रोखण्यासाठी तीन टप्प्यात लागू केलेल्या लॉकडाऊनचा रविवारी ५४वा दिवस आहे. तिसऱ्या टप्प्याचा हा शेवटचा दिवस होता. लॉकडाऊनचा चौथा टप्पा सोमवारपासून सुरु होणार आहे.