काँग्रेसची माघार ! मुख्यमंत्री विधान परिषदेवर बिनविरोध

काँग्रेस आपल्या सहाव्या उमेदवारीच्या मुद्यावर ठाम असल्याचे महसूल मंत्री बाळासाहेब थोरात यांनी स्पष्ट केले होते. यानंतर 'असेच सुरु राहिल्यास निवडणूक लढणार नाही', असा निरोप उद्धव ठाकरेंनी बाळासाहेब थोरातांना दिली होती. दरम्यान, महाविकास आघाडीतील नेत्यांची बैठक पार पडली. यावेळी शिवसेनेतर्फे एकनाथ शिंदे उपस्थित होते. त्यांनी ही निवडणूक बिनविरोध होणार असल्याचे म्हणत सहाव्या जागेसाठी काँग्रेस उमेदवार देणार नसल्याचे स्पष्ट केले आहे. राज्यातील कोरोना महामारीच्या पार्श्वभूमीवर विधानपरिषदेची निवडणूक बिनविरोध व्हावी, अशी उद्धव ठाकरेंची इच्छा आहे.