दिल्लीतील प्राथमिक शाळा ३१ मार्चपर्यंत बंद ; कोरोनामुळे खबरदारी

नवी दिल्ली : देशात कोरोना विषाणूच्या पॉझिटिव्ह रुग्णांची संख्या ३० वर पोहोचली आहे. गुरुवारी उत्तर प्रदेशच्या गाझियाबादमध्ये एक रुग्ण पॉझिटिव्ह आढळला. अधिकृत सूत्रांच्या माहितीनुसार, हा रुग्ण मध्यमवयीन असून नुकताच इराणला गेला. मागील आकडेवारीत केरळमध्ये तीन घटना समोर आल्या होत्या. परंतु हे रुग्ण बरे होऊन पुन्हा घरी परतले आहे. भारतात पॉझिटिव्ह आढळलेले ३० पैकी १६ जण इटलीचे पर्यटक आहेत.