रा.स्व. संघाचा नाशिक सिव्हिल हॉस्पिटलच्या हाकेला त्वरित प्रतिसाद !

नाशिक : कोरोना विषाणूचा वाढता प्रादुर्भाव बघता नाशिकच्या सिव्हिल हॉस्पिटलमध्ये गर्दी होण्याच्या शंकेला गृहीत धरून तिथल्या प्रशासनाने रा.स्व.संघाला काही स्वयंसेवक आम्हाला मदतीला मिळतील का ? अशी मागणी केली होती. प्रशासनाच्या याच हाकेला त्वरित प्रतिसाद देत रा. स्व. संघाने ४८ ते ५० स्वयंसेवकांची एक तुकडी तयार केली आहे. ही तुकडी दोन गटात विभागून सकाळी ९ ते दुपारी ३ या वेळात आणि दुपारी ३ ते रात्री ९ या वेळात रुजू झाली आहे.

 

१. रुग्णालयात येणाऱ्या रुग्ण व त्यांच्या कुटुंबीयांना कोरोना बाबत समोपदेशन करणे

२. मास्क मास्क वापरण्यास प्रोत्साहन देणे व सक्ती करणे

३. सोशल डिस्टंसिंगबद्दल आग्रह धरणे व लोकांमध्ये आवश्यक ते अंतर आखून देणे.

४. बऱ्याच समाजसेवी संस्था, रुग्णांच्या नातेवाइकांना बऱ्याच वर्षांपासून भोजनाची सोय करताहेत. त्याठिकाणी सोशल डिस्टंसिंगचे महत्व समजावून देणे

आदी काम सोपविण्यात आले आहे. या कामासाठी समाजातील इतर बऱ्याच संस्था देखील कार्यरत आहेत. यात जाणता राजा स्पोर्ट्स क्लब, एल सी या संस्था पुढाकार घेत सहभागी झाल्या आहेत. या कामात अमोल जोशी, जयेश क्षेमकल्याणी, अभय फडके, मिलिंद साबळे, प्रांजल देव,रोशन येवले , योगेंद्र घरटे, निलेश पवार , सुहास धामणे

आदी कार्यकर्त्यांनी नियोजन करण्यात मदत केली.