मुंबई : भाजप युवा मोर्चा अध्यक्ष खासदार पूनम महाजन यांनी नागरिकांनी घरी थांबावे यासाठी एक अनोखा उपक्रम सुरू केला आहे. नागरिकांनी त्यांच्या समस्या व्हॉट्सअॅपवर मांडण्याचे आवाहन त्यांनी केले असून या सोडवण्यासाठी भाजप कार्यकर्ते पुढाकार घेणार आहेत.
प्रशासनातर्फे नागरिकांना घरी थांबण्याचे आवाहन केले जात आहे. मात्र, दैनंदिन कामे आणि गरजांसाठी नागरिक घराबाहेर पडत आहेत. त्यातच सार्वजनिक वाहनेही बंद असल्याने अनेकांची गैरसोय होत आहे. या पार्श्वभूमीवर खासदार पूनम महाजन यांनी व्हॉटसअॅपद्वारे नागरिकांची कुठलीही समस्या सोडवण्याचे आश्वासन दिले आहे. विलेपार्ले, चांदिवली, वांद्रे, कलिना आणि कुर्ला या भागात ही सुविधा उपलब्ध करून देण्यात आली आहे. नागरिकांनी खाली दिलेल्या विभागवार व्हॉट्सअॅप क्रमांकावर त्यांच्या समस्या नोंदवण्याचे आवाहन खा. पूनम महाजन यांनी केले आहे.
विलेपार्ले - 9322236483
चांदिवली - 9029190071
वांद्रे (पू) - 8169148865
वांद्रे (प) - 9821018936
कलिना - 9930770124