...मग पवारांना कृषी विधेयकावर आक्षेप का?

मुंबई : 'शरद पवार कृषिमंत्री असताना त्यांनी सगळ्या राज्यांच्या मुख्यमंत्र्यांना पत्र लिहून 'एपीएमसीच्या खासगीकरणासंदर्भात' ज्या बाबी सांगितल्या होत्या, त्याला अनुसरून त्यांचे आताचे बोलणे नाही' असे म्हणत भाजप नेते राम कदम यांनी शरद पवारांवर टीका केली. शरद पवार कृषी मंत्री असताना त्यांनी मुख्यमंत्र्यांना जे पत्र लिहिले होते त्याच्या प्रतीचा फोटोसुद्धा राम कदम यांनी त्यांच्या ट्विटमध्ये जोडला आहे.

 

शरद पवार यांना कायमच शेतकऱ्यांचा नेता म्हणून संबोधले गेले आहे. मग सद्यपरिस्थितीत देशातल्या शेतकऱ्यांसाठी केंद्र सरकार काही सुधार करुन कृषी विधेयक आणत आहे, तर शरद पवारांनीसुद्धा शेतकऱ्यांच्या हिताचा विचार करत विधेयकाच्या संदर्भात भूमिका घेणेच सामान्य जनतेला अपेक्षित आहे.