नव्या संकुलास गोळवलकर गुरुजींचे नाव.
तिरुअनंतपुरम: राजीव गांधी जैवतंत्रज्ञान केंद्राचे दुसरे संकुल लोकार्पणासाठी सज्ज झाले आहे. आणि या संकुलास राष्ट्रीय स्वयंसेवक संघाचे दुसरे सरसंघचालक माधव गोळवळकर यांचे नाव देण्यात येणार आहे. या नामकरण सोहळ्याचे आयोजन ऑनलाईन पद्धतीने करण्यात आले होते. यावेळी उपस्थित केंद्रीय विज्ञान आणि तंत्रज्ञानमंत्री डॉ. हर्षवर्धन यांनी ही माहिती दिली.
सदर संशोधन केंद्राचे नामकरण ‘श्री गुरुजी माधव सदाशिव गोळवळकर’ नॅशनल सेटर फॉर कॉम्प्लेक्स डिसीज ईन कॅन्सर अॅन्ड व्हायरल इन्फेक्शन” असे करण्यात येणार आहे. आरजीसिबीचे दुसरे संकुल हे उच्चस्तरावरील नव-नवीन उपक्रमांचे अद्ययावत माहिती केंद्र असेल, असे वक्तव्य डॉ. हर्षवर्धन यांनी केले.
आरजीसिबीच्या दुसऱ्या संकुलात स्टेम सेल प्रत्यारोपण, जीन उपचार, मॉलेक्युलर ट्युमर यावरील उपचारींचीही सुविधा उपलब्ध असणार आहे. २२ डिसेंबर ते २५ डिसेंबर या दरम्यान आरजीसीबी ‘भारत आंतरराष्ट्रीय विज्ञान’ महोत्सवाचे सहावे सत्र आयोजित करण्यात येणार आहे.