काँग्रेस पक्षाला विरोधक लागत नाही : निलेश राणे

मुंबई : मुंबई काँग्रेसच्या अध्यक्षपदी भाई जगताप यांची वर्णी लागली तरी त्यांच्या अधिकारांना मात्र कात्री लावण्यात आली आहे. मुंबई काँग्रेसची निवड समिती आणि स्ट्रॅटेजी समितीचे अध्यक्षपद प्रदेशाध्यक्ष बाळासाहेब थोरात यांच्याकडे देण्यात आले आहे. त्यावरुन भाजप नेते निलेश राणे यांनी काँग्रेसला जोरदार टोला लगावलाय. काँग्रेस पक्ष हा खो-खो सारखा असल्याची टीका निलेश राणेंनी केली आहे. निलेश राणेंनी ट्विट करत म्हटलंय,"काँग्रेस पक्ष हा खो-खो सारखा आहे. कधी कोणाला खो देतील आणि कधी कोणामुळे कोण बाद होईल हे कोणालाच माहीत नसते. काँग्रेसमध्ये एकदा कोणाला पद मिळालं तर तो बाद कसा होईल याकरिता एक मोठा गट तयार असतो. काँग्रेस पक्षाला विरोधक लागत नाही,” असे म्हणत त्यांनी काँग्रेसवर निशाणा साधला.