अमिताभ बच्चन यांच्या 'झुंड'ला सर्वोच्च दणका !

 

नवी दिल्ली : नागराज मंजुळे यांचे दिग्दर्शन असलेले आणि अभिनेता अमिताभ बच्चन यांची मुख्य भूमिका असलेला 'झुंड' हा चित्रपट पुंन्हा एकदा लांबणीवर पडला आहे. याला कारण म्हणजे सर्वोच्च न्यायालयाने या चित्रपटावरील बंदी उठवण्यास नकार दिला आहे. दिवाणी न्यायालय आणि उच्च न्यायालयाने या चित्रपटावर स्थगिती आणली होती. यानंतर चित्रपटाच्या निर्मात्यांनी सर्वोच्च न्यायालयात दाद मागितली, मात्र न्यायालयाकडून ती नाकारण्यात आली.

 

 

 

हैदराबादमधील लघुपट निर्माता नंदी चिन्नी कुमार यांनी चित्रपट निर्मात्यांवर कॉपीराइट उल्लंघन केल्याचा आरोप केला आहे. तर दुसऱ्या पक्षाने हे आरोप फेटाळले आहेत. सुनावणीदरम्यान खंडपीठाने मनोरंजक प्रकरण असल्याची टिप्पणी करत पुढील सहा महिन्यामध्ये हे प्रकरण निकाली लावण्याचे आदेश दिले आहेत. 'झुंड' चित्रपट 'स्लम सॉकर' या स्वयंसेवी संस्थेचे संस्थापक विजय बारसे यांच्या जीवनावर आधारित आहे. हा चित्रपट नोव्हेंबरमध्ये ओटीटी प्लॅटफॉर्म ऍमेझॉन प्राईमवर प्रदर्शित होणार होता. मात्र कोरोना महामारीमुळे चित्रपटाचे प्रदर्शन लांबणीवर गेले आहे.

 

 

मुख्य न्यायाधीश एस.ए. बोबडे, न्यायमूर्ती ए.एस. बोपन्ना आणि न्यायमूर्ती व्ही. रामसुब्रमण्यम यांच्या खंडपीठाने हायकोर्टाच्या १९ ऑक्टोबरच्या आदेशाविरूद्ध सुपर कॅसेट इंडस्ट्रीज (टी मालिका) याचिका फेटाळून लावली. खंडपीठाने आपल्या आदेशात म्हटले की, 'विशेष मान्यता याचिका फेटाळण्यात येत आहे. परिणामी, या प्रकरणातील प्रलंबित अर्ज, जर काही असतील तर त्या निकाली लावण्यात आल्या आहेत.' खंडपीठाच्या या सुनावणीनंतर बिग बींच्या आगामी चित्रपटाच्या प्रदर्शनाच्या मार्गावर अडखळे येत आहेत.