निर्भया दोषींना फाशी उद्याच ? आज निकाल

नियमांनुसार, जर एखाद्या प्रकरणात एकापेक्षा जास्त दोषींना फाशी द्यायची असेल तर एखाद्याची याचिकेवर निर्णय होईपर्यंत सर्वांची फाशी प्रलंबित राहील. निर्भया प्रकरणही असेच असून चार दोषींना फाशी सुनाविण्यात आली आहे. १ फेब्रुवारीला फाशी देणे अशक्य आहे कारण कोणत्याही दोषीला फाशी देण्याच्या १४ दिवस आधी सांगणे आवश्यक आहे. मुकेश सिंगचे सर्व पर्याय संपले आहेत, तर विनय शर्मा यांची दया याचिका अद्याप प्रलंबित आहे. त्याचवेळी अक्षयसिंग यांच्याकडे दया याचिका करण्याचा पर्याय आहे. तर पवन गुप्ता यांच्याकडे सुधारणा व दया याचिका दोन्ही पर्याय आहेत.

दोषींचे वकील एपी सिंग यांनी नुकतीच पटियाला हाऊस कोर्टात सांगितले होते की, पवन, मुकेश, अक्षय आणि विनय यांना कोर्टाने चोरी व लुटमारीच्या प्रकरणात दहा वर्षांची शिक्षा सुनावली आहे. या निर्णयाच्या विरोधात अपील उच्च न्यायालयात प्रलंबित आहे. जोपर्यंत यावर निर्णय येत नाही तोपर्यंत दोषींना फाशी देता येणार नाही.