नागरिकत्व दुरुस्ती कायद्यामुळे गांधीजींची इच्छा पूर्ण : राष्ट्रपती

नवी दिल्ली : संसदेच्या दोन्ही सभागृहांनी नागरिकत्व दुरुस्ती कायदा पारीत करून राष्ट्रपिता महात्मा गांधी यांची इच्छा पूर्ण केली असल्याचे प्रतिपादन राष्ट्रपती रामनाथ कोविंद यांनी केले आहे. 'विभाजनानंतर महात्मा गांधी म्हणाले होते, कि, पाकिस्तानातून जे हिंदू आणि शीख तिथल्या वातावरणात राहू इच्छित नाहीत, ते भारतात येऊ शकतात.  त्यांना इतरांप्रमाणे सर्वसामान्य जीवन देणे हे सरकारचे कर्तव्य आहे.


बापूंच्या या विचारांचे समर्थन करत अनेक राजकीय दलांनी राष्ट्रीय नेत्यांनी त्यांचे विचार पुढे आणले. राष्ट्रनिर्मात्यांच्या या विचाराचा आपल्याला सन्मान करायला हवा. संसदेच्या दोन्ही सभागृहांनी हा नागरिकत्व कायदा अंमलात आणत महात्मा गांधीजींची इच्छा पूर्ण केली आहे. 


अर्थसंकल्पीय अधिवेशनाच्या पार्श्वभूमीवर त्यांनी अभिभाषण केले. त्यावेळी ते बोलत होते. आपल्या भाषणात त्यांनी अर्थव्यवस्थेला चालना देणाऱ्या अनेक मुद्द्यांवर प्रकाश टाकला. ग्रामीण क्षेत्राला अधिक बळकटी आणण्यासाठी भरीव तरतूद करणार येणार असल्याचेही त्यांनी सांगितले. 

 

कलम ३७० हटवणे म्हणजे काश्मीरचा विकास

आवास योजनेतून नागरिकांना मिळाले हक्काचे घर