मुंबई : काँग्रेसच्या कार्यक्रमात वाटप करण्यात आलेल्या पुस्तिकेत वीर सावरकारांबाबत आक्षेपार्ह लिखाण करण्यात आले असून या पुस्तकावर तात्काळ बंदी आणण्याची मागणी रणजित सावरकरांनी केली आहे. तसेच भारतीय जनता पक्षाकडून काँग्रेसचा तीव्र निषेध करण्यात येत आहे. याबाबत भाजपचे आमदार अॅड. आशिष शेलार यांनी ट्विट करत काँग्रेसचा निषेध केला.
‘आमचे आराध्य स्वातंत्र्यवीर सावरकर
यांच्याबाबत अतिशय घाणेरडे लिखाण असलेली पुस्तिका काँग्रेस पक्षाने वितरित करून
आपल्या विकृत मानसिकतेचे दर्शन घडविले आहे. ही त्या पक्षाची बौद्धीक आणि मानसिक
दिवाळखोरी आहे. या अशा दिवाळखोर पक्षाशी अनैसर्गिक आघाडी केलेली शिवसेना तीव्र
निषेध नोंदवून या पुस्तकावर महाराष्ट्रात बंदी घालणार,
की
केवळ सत्तेसाठी आपल्या आराध्यांचे असे अपमान वारंवार सहन करणार,
याचे
उत्तर आम्हाला हवे आहे. भारतीय जनता पार्टी या पुस्तकाचा तीव्र निषेध करते.
हिंदूहृदयसम्राट वंदनीय शिवसेनाप्रमुख बाळासाहेब ठाकरे आज हयात असते,
तर
पहिली प्रतिक्रिया त्यांनीच आपल्या खास शैलीत दिली असती. आज तशी अपेक्षा करता येत
नसली तरी या पुस्तकावर तत्काळ बंदीची घोषणा मुख्यमंत्र्यांनी करावी,
अशी
अपेक्षा आहे.’ - देवेंद्र फडणवीस, विरोधी पक्षनेते