शरजील इमामच्या शोधात सहा राज्यांचे पोलीस

पटना : जवाहरलाल नेहरू विद्यापीठ (जेएनयू)चा माजी विद्यार्थी शरजील इमाम आपल्या देशविरोधी वक्तव्याबद्दल चर्चेत आहे. आपल्या एका भाषणात त्यांनी आसामसह संपूर्ण उत्तर-पूर्व भारत उर्वरित भारतापासून तोडण्याविषयी वक्तव्य केले होते. शरजील इमामच्या शोधात सहा राज्यांच्या गुन्हे शाखा कार्यरत आहेत. त्याच्याविरूद्ध सहा राज्यात देशद्रोहाचे खटले दाखल करण्यात आले आहेत. बिहार, दिल्ली, उत्तर प्रदेश, आसाम, मणिपूर आणि अरुणाचल प्रदेशच्या पोलिसांनी त्याच्या विरोधात एफआयआर दाखल केले आहेत. शरजीलच्या अटकेसाठी पोलिस बिहारसह मुंबई आणि दिल्ली येथेही छापे टाकत आहेत. त्याचे नेपाळमध्ये पलायन होण्याच्या धर्तीवर बिहार-नेपाळ सीमेवरही अलर्ट जारी करण्यात आला आहे. रेल्वेस्थानक आणि विमानतळावरही पोलिस सतर्क आहेत.