नवी दिल्ली : शुक्रवारी दिल्ली पोलिसांनी जेएनयूच्या तोडफोडीप्रकरणी पत्रकार परिषद घेत जेएनएसयू छात्र संघटनेची अध्यक्ष आईशी घोष यांच्यासह जेएनयूमध्ये सर्व्हर रुमची तोडफोड केल्याप्रकरणी पोलिसांनी नऊ जणांची ओळख पटवण्यात आली आहे. यानंतर केंद्रीय मंत्री प्रकाश जावडेकर म्हणाले, 'एबीव्हीपी आणि भाजपवर गेल्या पाच दिवसांपासून करण्यात आलेले आरोप योग्य नाहीत. तसेच हा भाजप आणि एबीव्हीपी विरोधात बदनामीचा मोठा डाव आहे. ही मुद्दाम पूर्वनियोजित घटना होती. हिंसेचे षडयंत्र रचणारी, सीसीटीव्ही आणि सर्व्हर बंद पडणाऱ्या या डाव्या संघटना आहेत." असेही ते यावेळी म्हणाले.