पाकिस्तानात हिंदू तरुणीचा संशयास्पद मृत्यू

इस्लामाबाद : पाकिस्तानात हिंदू अल्पसंख्यांकावरील हल्ले वाढले असून तेथील शीख, हिंदू तसेच अल्पसंख्यांक सुरक्षित नसल्याच्या घटना वारंवार समोर येत आहेत. सोमवारी पाकिस्तानातील लारकाना शहरात वैद्यकीय शिक्षण घेत असलेल्या नम्रिता चंदानी या तरुणीचा संशयास्पद मृत्यू झाल्याची घटना समोर आली आहे. वसतिगृहातील खोलीत तिचा मृतदेह आढळून आला. नम्रिताचा मृत्यू सुड भावनेतून झाला असल्याचे तिच्या पालकांचे म्हणणे आहे.