मध्य रेल्वेची डाऊन दिशेची वाहतूक विस्कळीत, १० ते १५ मिनिटे उशिराने सुरु

शनिवारी सकाळी सहा वाजण्याच्या सुमारास ही घटना घडली. जेव्हा झाडाच्या फांद्या ओव्हरहेड वायरवर पडल्या त्यावेळी लोकल स्थानकात उभी होती. ओव्हरहेड वायर तुटल्याने वीज पुरवठा खंडीत झाला होता. त्यामुळे धीम्या मार्गावर झालेल्या या घटनेमुळे लोकल्स जलद मार्गावर वळवण्यात आल्या आहेत. डाऊन दिशेच्या लोकल वाहतुकीवर परिणाम झाला असून त्याचा परिणाम काही वेळात अप दिशेच्या लोकल्सवरही झाला. झाडाच्या फांद्या हटवल्यानंतर वाहतूक पूर्ववत झाली असली तरी रेल्वे सेवा १० ते १५ मिनिटे उशिराने सुरु आहे. त्यामुळे आधीच पावसाचा जोर वाढल्यामुळे वाहतूक कोंडीचा सामना चाकरमान्यांना करावा लागत आहे. त्यात आता रेल्वे विस्कळीत झाल्यामुळे प्रवशांना मनस्ताप सहन करावा लागणार आहे.