आता चित्रपटातही रंगणार भारत-पाक सामना

भारत आणि पाकिस्तान हे दोन देश आतापर्यंत खेळाच्या मैदानात आणि राजकारणात एकामेकांच्या समोर आले. पण आता यांचा सामना नृत्यांच्या मंचावर देखील घडणार आह. अभिनेता वरूण धवन आणि अभिनेत्री श्रद्धा कपूर स्टारर 'स्ट्रीट डान्सर ३डी' चित्रपटाच्या माध्यमातून प्रेक्षकांना भारत आणि पाकिस्तानमधील नृत्याची जुगलबंदी अनुभवता येणार आहे.

सध्या आलेल्या रिमेकच्या ट्रेंडला अनुसरून या चित्रपटातही जुन्या गाण्यांचा रिमेक करण्यात आला आहे. प्रभूदेवाचे लोकप्रिय गाणे ‘मुकाबला’ आणि पंडित भीमसेन जोशींचे ‘मिले सूर मेरा तुम्हारा’ ही गाणी नवीन अंदाजात प्रेक्षकांना ऐकायला मिळणार आहेत. येत्या २४ जानेवारीला हा चित्रपट सर्वत्र प्रदर्शित होणार आहे.