ईशान्येत काँग्रेसकडून लोकांना भडकवण्याचे काम : पंतप्रधान मोदी

झारखंड : झारखंडमध्ये निवडणूक रॅलीला संबोधित करताना नागरिकत्व दुरुस्ती विधेयकाचा संदर्भ देताना पंतप्रधान मोदी म्हणाले की, "पूर्व भारतातील प्रत्येक राज्य, प्रत्येक आदिवासी समाजाला हे आश्वासन द्यायचे आहे की, आसामसह पूर्वोत्तरच्या वेगवेगळ्या प्रदेशातील परंपरा, संस्कृती, संस्कृती जतन करणे आणि समृद्ध करणे हे भाजपाचे कर्तव्य आहे. कोणीही त्यांचा अधिकारांचे हनन करणार नाही. कॉंग्रेस आणि त्याचे सहयोगी ईशान्य भारतात विधेयकावरून आग लावण्याचा प्रयत्न करीत आहेत. बांगलादेशातून मोठ्या संख्येने लोक येतील हा संभ्रम आहे. हा कायदा आधीपासूनच भारतात आलेल्या शरणार्थींच्या नागरिकत्वासाठी आहे."

कॉंग्रेसवर हल्ला चढवत पंतप्रधान म्हणाले की, "हे कॉंग्रेसचे राजकारण आहे, यामुळे सात दशकांनंतरही भारतीय समाजात अनेक नवीन अडचणी येऊ लागल्या आहेत. कठीण निर्णय घेणे टाळणे, त्यावरून राजकारण करणे हेच कॉंग्रेसचे धोरण आहे. ही परिस्थिती कॉंग्रेसच्या हेतू व कर्तृत्वाने निर्माण झाली आहे. जेएमएम व कॉंग्रेस व त्याचे सहयोगी मित्रपक्ष आणि उर्वरित डावे यांनी नेहमीच हे केले आहे."

पुढे पंतप्रधान म्हणाले की,"कॉंग्रेसने नेहमीच आपल्या राजकारणाचा विचार केला आहे. त्यांना राष्ट्रीय हित आणि राष्ट्रीय धोरणाबद्दल विचार करण्यास बराच काळ लागतो. कॉंग्रेसने देशात एक विचित्र राजकीय वातावरण निर्माण केले होते, ज्यामुळे जाहीरनाम्यांवरील व नेत्यांची आश्वासने यावरून लोकांची विश्वासहर्ता त्यांनी गमावली. निवडणूकीत नेते घोषणा करतात आणि मग विसरतात असे लोकांना वाटू लागले. पंतप्रधान म्हणाले की, गेल्या काही महिन्यांत घेतलेले सर्व निर्णय,मागील अनेक दशकांपासून प्रलंबित होते.