नव्या सरकारचा शपथविधी संपन्न

नव्या विधानसभेचे उद्या गठन, नवनिर्वाचित आमदारांचा शपथविधी

मुंबई : महाराष्ट्र विधानसभेचे विशेष अधिवेशन मंगळवारी सुरू झाले. कोळंबकर यांनी सर्व २८८ आमदारांना शपथ देणार आहेत. राष्ट्रवादी काँग्रेस पक्षाच्या खासदार सुप्रिया सुळे यांनी विधानसभेत सर्व आमदारांचे स्वागत केले. सुप्रिया सुळे यांनी बंधू अजित पवार यांची गळाभेट घेतली.

महाविकास आघाडीच्या नेत्यांनी मंगळवारी रात्री शिवसेना पक्षप्रमुख उद्धव ठाकरे यांच्या नेतृत्वात सरकार स्थापनेचा दावा राज्यपालांकडे केला. त्यानुसार आज सर्व आमदारांचा शपथविधी पार पडला. शिवसेना पक्षप्रमुख उद्धव ठाकरे गुरुवार, दि. २८ नोव्हेंबर रोजी सायंकाळी ६.४० वाजता शिवाजी पार्कवर मुख्यमंत्रिपदाची शपथ घेतील. त्यावेळी काही मंत्र्यांनाही शपथ देण्यात येणार आहे.

राज्याच्या नव्या विधानसभेचे गठन झाले असून बुधवारी सकाळी ८ वाजता सर्व नवनिर्वाचित आमदारांना विधानसभेत उपस्थित राहण्याच्या सूचना राज्यपाल भगतसिंग कोश्यारी यांनी दिल्या. नवनिर्वाचित आमदारांचा शपथविधीही पार पडला. याबाबतचे एक प्रसिद्धीपत्रक राजभवनातून जारी झाले होते. नवनिर्वाचित आमदारांना सकाळी विधानभवनात उपस्थतीत राहण्याचे आमंत्रण यात देण्यात आले.