धक्कादायक; मुख्याध्यापकानेच दाखवला अश्लील व्हिडीओ

याबाबत सविस्तर माहिती अशी की, पुण्यातील एका खाजगी शाळेच्या मुख्याध्यापकाने १४ वर्षाच्या मुलाला कॅबिनमध्ये बोलावून आपल्या मोबाईलमधील अश्लिल व्हिडीओ दाखवून त्यासोबत अश्लील कृत्य केल्याचा आरोप आहे. विन्सेट परेरा असे या मुख्याध्यापकाचे नाव असून तो पुजारी असल्याची देखील माहिती सांगितली जात आहे. मुलाने घाबरून हा प्रकार शाळेच्या समुपदेशिकेला सांगितला. मात्र, तिनेदेखील मुलाला धमकावत गप्प राहण्यास सांगितले. यामुळे हिंमत वाढलेल्या मुख्याद्यापकाने आणखी एक वेळेस असे कृत्य केल्याचे पोलिसांनी सांगितले. दरम्यान, आरोपी गेल्या दोन आठवड्यांपासून शाळेत आला नसून याबाबत पोलिसांनी गुन्हा नोंदवून घेतला आहे.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/