तेरणा हॉस्पिटलतर्फे डोळखांब येथे ५०० नागरिकांची मोफत आरोग्य तपासणी

या शिबीराचे उद्घाटन जिजाऊ शैक्षणिक व सामाजिक संस्थेचे संस्थापक निलेश सांबरे यांनी केले. यावेळी अपर्णाताई खाडे व हेमांगी ताई पाटील यांची विशेष उपस्थिती होती. ग्रामीण नागरिकांशी संवाद साधून डॉक्टरांसमोर बोलते व्हा , शरीरात होत असलेल्या चांगल्या -वाईट बदलांची डॉक्टरांना माहिती द्या असे आवाहन यावेळी करण्यात आले. निदान झालेल्या रुग्णांना शासनाच्या महात्मा जोतिबा फुले जन आरोग्य योजने अंतर्गत पुढील उपचार केले जाणार असल्याची माहिती तेरणा स्पेशालिटी हॉस्पिटलतर्फे देण्यात आली. महिला व बालकांना लसीकरण व आहाराबाबत मार्गदर्शन या शिबीरात करण्यात आले.