उदयनराजेंकडूनही आलेली धमकी : गुणरत्न सदावर्ते

 

“हा हल्ला माझ्यावर झालेला नसून तो न्यायव्यवस्थेवर आणि लोकशाहीवर झालेला हल्ला आहे. आजवर मला धमक्यांचे शेकडो फोन आले. उदयनराजे भोसले यांच्या नावाने देखील मला धमक्यांचे फोन आले होते.” असा गौप्यस्फोट अॅड. गुणरत्न सदावर्ते यांनी केला. अॅड. गुणरत्न सदावर्ते यांना धमक्यांचे फोन येत असल्याची माहिती त्यांनी पोलीसांना दिली होती. सोमवारी सकाळीही सुनावणीपूर्वी पोलीसांना या धमक्यांबद्दल अॅड. गुणरत्न सदावर्ते यांच्याकडून माहिती देण्यात आली होती. कारवाई थोडी लवकर केली असती तर हा हल्ला झाला नसता. असे अॅड. गुणरत्न सदावर्ते यांनी म्हटले आहे. या हल्ल्याची गंभीर दखल घेत न्यायालयाने अॅड. गुणरत्न सदावर्ते यांना सुरक्षा देण्याचा आदेश दिला आहे. अशी माहिती अॅड. गुणरत्न सदावर्ते यांनी दिली.

पोलीसांकडे धमक्यांविषयी केलेल्या तक्रारीत सदावर्ते यांनी उदयनराजे भोसले यांचे नावही दिले आहे. उदयनराजे भोसले हे मराठा समाजाचे नेतृत्व करत असल्यामुळे तक्रारीत त्यांचे नाव देण्यात आले असल्याचे सदावर्ते यांनी सांगितले. तसेच “न्यायालयावर माझा पूर्ण विश्वास असून मी घाबरत नाही. मुख्यमंत्र्यांनी या प्रकरणाकडे गांभीर्याने पाहावे. मी मनात कोणतीही भीती सन बाळगता पुढील लढा लढत राहेन.” असे सदावर्ते यावेळी म्हणाले.