कर्मवीर दादासाहेब गायकवाड सबलीकरण, स्वाभिमान योजना

महाराष्ट्र शासनाच्या सामाजिक न्याय विभागाकडून अनुसूचित जाती व नवबौद्ध घटकांना १०० टक्के अनुदानावर (मोफत) शेतजमीन उपलब्ध करून देण्याकरिता शासनातर्फे कर्मवीर दादासाहेब गायकवाड सबलीकरण व स्वाभिमान योजना राबविण्यात येत आहे, असे सहाय्यक आयुक्त खुशाल गायकवाड यांनी प्रसिद्धी पत्रकान्वये कळविले आहे.

 

 

ही योजना २ जून, २००४ पासून कर्मवीर दादासाहेब गायकवाड सबलीकरण व स्वाभिमान या नावाने सुरू झाली आहे.

१४ ऑगस्ट २०१८च्या शासन निर्णयानुसार लाभार्थ्याना १०० टक्के अनुदानावर (मोफत) जमीन मिळणार आहे.

 

 

या योजनेंतर्गत अनुसूचित जाती व नवबौद्ध घटकाच्या दारिद्रयरेषेखालील भूमिहीन कुटुंबाला जमीन उपलब्ध करून देण्यात येणार आहे. ४ एकर कोरडवाहू (जिरायती) जमीन किंमत रु ५ लाख प्रतिएकर किंवा २ एकर ओलिताखालील (बागायती) जमीन किंमत कमाल रु. ८ लाख प्रतिएकर असणार आहे. लाभार्थ्याचे किमान वय १८ वर्षे व कमाल ६० वर्षे असावे, निर्णयात म्हटले आहे. यामुळे लाभार्थींना दिलासा मिळाला आहे.

 

 

 https://www.facebook.com/Tarunbharatjal/