नीरव मोदीची ६३७ कोटींची संपत्ती जप्त

हाँगकाँगमध्ये त्याची ही संपत्ती जप्त करण्यात आली आहे तर मुंबईतील त्याचा १९.५ कोटींचा प्लॅटही जप्त केला आहे. हा फ्लॅट पूर्वी नीरव मोदी याच्या नावाने नोंदणीकृत होता. २०१७ मध्ये तो खरेदी करण्यात आला होता. ईडीने त्याचे सिंगापूरचे एक बँक खाते गोठवले आहे. त्यात ४४ कोटी रुपयांची मालमत्ता आहे. आइसलँड कंपनीच्या नावाने हे खाते उघडण्यात आले होते. या बँक खात्याच्या खातेधारकांमध्ये पूर्वी मोदी आणि मयंक मेहता यांच्या नावाचा उल्लेख आल्याचे सूत्रांनी सांगितले. याशिवाय नीरव आणि पूर्वी मोदी यांच्या नावाने असलेले पाच बँक खातेही गोठवण्यात आले आहेत. त्यात २७८ कोटींची संपत्ती असल्याचे सांगण्यात येत आहे. त्याची लंडनमधील ५६ कोटींची संपत्तीही जप्त केली आहे. लंडनमधील त्याचा एक फ्लॅट सुद्धा जप्त करण्यात आला आहे. अमेरिकेतील न्यूयॉर्कमधील २१६ कोटी किंमत असलेल्या त्याच्या दोन मालमत्ताही जप्त करण्यात आल्या आहेत.