लंडनमध्ये राहत्या इमारतीला भीषण आग

लंडनमधील लँचेस्टर येथील एका २४ मजली इमारतीला काल मध्यरात्री भीषण आग लागली आहे. संपूर्ण इमारत या आगीच्या भक्ष्यस्थानी सापडली आहे. दरम्यान इमारतीतून १०० नागरिकांना सुखरूप बाहेर काढण्यात आले असून अग्निशमन दलाच्या ४५ गाड्यासह २०० कर्मचारी या आगीवर नियंत्रण मिळवण्याचा प्रयत्न करत आहेत.

लंडन शहराच्या पश्चिमेला असलेल्या लँचेस्टर येथील 'ग्रीनफेल' या २४ मजली इमारतीच्या दुसऱ्या मजल्यावर काल मध्यरात्री १ अचानकपणे आग लागली. थोड्याच वेळात या आगीने भीषण रूप धारण करत संपूर्ण इमारतच आपल्या कवेत घेतली. संपूर्ण इमारतीत पसरत चालेल्या या आगाचे भीषण रूप पाहून आसपासच्या नागरिकांनी तातडीने अग्निशमन दलाला पाचारण केले.