‘मी दुसऱ्या धर्माची, तुमचे देव चालत नाहीत!’; हिंदू देवतांची विटंबना करणाऱ्या नर्सवर गुन्हा दाखल!

 

 

नवी मुंबई : (Hindu Janajagruti Samiti) नेरूळ येथे एका इतर धर्मातील नर्सने हिंदू देवतांच्या मूर्तींची आणि देवघराची जाणीवपूर्वक विटंबना केल्याचा धक्कादायक प्रकार घडला आहे. इतकेच नाही तर हिंदू देवतांना चपलांच्या स्टँडजवळ टाकून दिल्याची संतापजनक घटनाही घडली समोर आली आहे. या धार्मिक द्वेषातून घडलेल्या प्रकारानंतर या नर्स महिलेविरोधात गुन्हा दाखल करण्यात आलाय. तक्रारदार हिंदू महिलेचे बंधू हर्षद पाटील यांनी हा प्रकार घडल्यानंतर हिंदू जनजागृती समितीशी संपर्क साधला. समितीने तात्काळ नेरूळ पोलीस ठाण्यात आरोपी नर्सविरुद्ध भारतीय न्याय संहिता २०२३ च्या कलम २९८ आणि ३५१(२) अन्वये गुन्हा दाखल करण्याचा आग्रह धरला. त्यानुसार गुन्हा दाखल झाला असून, आरोपी नर्सला तात्काळ अटक करण्याची मागणी हिंदु जनजागृती समितीने केली आहे.