ब्रिटनमध्ये हिंदूविरोधी द्वेषपूर्ण घटनांवर लक्ष ठेवण्यासाठी स्वतंत्र मंच!

 

मुंबई : (Anti Hindu Hate Monitor) ब्रिटनमध्ये वाढत्या धार्मिक द्वेषातून प्रेरित गुन्ह्यांबाबत व्यक्त होत असलेल्या चिंतेच्या पार्श्वभूमीवर, हिंदूविरोधी द्वेषाच्या घटनांची नोंद आणि दस्तऐवजीकरण करण्यासाठी एक नवीन व्यासपीठ सुरू करण्यात आले आहे. या नव्या मंचाचा मुख्य उद्देश हिंदू परंपरांशी स्वतःची ओळख जोडणाऱ्या व्यक्तींसह जैन समाज आणि इतर धर्मपरंपरांवर परिणाम करणाऱ्या हिंदूविरोधी द्वेषपूर्ण गुन्हे व घटनांचे निरीक्षण आणि नोंद ठेवणे हा आहे. यामुळे ब्रिटनमधील हिंदूविरोधी द्वेषाचे वास्तव अधिक स्पष्टपणे समजून घेण्यास मदत होणार आहे.