अमेरिका-इराणमध्ये ऐतिहासिक शांतता करार; होर्मुझ सामुद्रधुनी पुन्हा खुली होणार, जागतिक अर्थव्यवस्थेला दिलासा
Total Views |
मुंबई: (US Iran Peace Deal) जगभरातील तणाव आणि ऊर्जा संकटाच्या पार्श्वभूमीवर अमेरिका आणि इराण यांच्यात ऐतिहासिक शांतता कराराचा मार्ग मोकळा झाला आहे. दोन्ही देशांनी युद्धविराम आणि व्यापक शांतता प्रक्रियेसाठी प्राथमिक करारावर सहमती दर्शवली असून या करारावर १९ जून रोजी स्वित्झर्लंडमध्ये अधिकृत स्वाक्षरी होण्याची शक्यता आहे. पाकिस्तान आणि कतार यांच्या मध्यस्थीमुळे हा करार शक्य झाल्याचे माध्यमांवरून सांगितले जात आहे. (US Iran Peace Deal)
या करारानंतर जगातील सर्वात महत्त्वाच्या सागरी व्यापार मार्गांपैकी एक असलेली होर्मुझ सामुद्रधुनी पुन्हा खुली होणार आहे. तसेच इराणवरील अमेरिकन सागरी नाकेबंदी हटविण्याची प्रक्रियाही सुरू होणार असल्याचे संकेत मिळत आहेत. या घडामोडींमुळे आंतरराष्ट्रीय तेल बाजारात सकारात्मक प्रतिक्रिया उमटली असून कच्च्या तेलाच्या किमतींमध्ये घसरण दिसून आली आहे. (US Iran Peace Deal)
इराणी माध्यमांमध्ये प्रसिद्ध झालेल्या मसुदा करारानुसार, गोठवलेल्या इराणी मालमत्तेचा काही भाग मुक्त करणे, तेल निर्यातीवरील निर्बंधांमध्ये सवलत, पुनर्बांधणीसाठी आर्थिक सहाय्य आणि ६० दिवसांच्या कालावधीत पुढील चर्चांची रूपरेषा यांसारख्या तरतुदींचा समावेश आहे. मात्र अणुकार्यक्रमासंबंधीचे सर्व मुद्दे अद्याप अंतिम टप्प्यात पोहोचलेले नाहीत आणि त्यावर स्वतंत्र चर्चा होणार आहे. (US Iran Peace Deal)
पाकिस्तानचे पंतप्रधान शहबाज शरीफ यांनी या कराराची घोषणा केली असून तुर्की, कतार आणि सौदी अरेबियानेही या प्रक्रियेचे स्वागत केले आहे. युरोपमधील काही देशांनीही इराणवरील निर्बंध शिथिल करण्याची तयारी दर्शवली आहे. (US Iran Peace Deal)
तज्ज्ञांच्या मते, हा करार यशस्वीपणे अंमलात आल्यास जागतिक ऊर्जा बाजारपेठ, तेलाच्या किमती, समुद्री व्यापार आणि मध्यपूर्वेतील स्थैर्यावर मोठा सकारात्मक परिणाम होऊ शकतो. मात्र अंतिम स्वाक्षरी आणि पुढील ६० दिवसांतील वाटाघाटी या प्रक्रियेसाठी निर्णायक ठरणार आहेत (US Iran Peace Deal)