अण्णाभाऊ साठे राष्ट्रीय स्मारकाच्या लोकार्पणाबाबत महापालिकेत बैठक
14-Jun-2026
Total Views |
मुंबई : (Veermata Jijabai Bhosale Udyan) भायखळा येथील वीरमाता जिजाबाई भोसले उद्यान (राणीबाग) परिसरातील लोकशाहीर अण्णाभाऊ साठे राष्ट्रीय स्मारकातील नाट्यगृहाचे १ ऑगस्ट २०२६ रोजी मुख्यमंत्री यांच्या हस्ते लोकार्पण करण्यात यावे तसेच स्मारकात लोकशाहीर अण्णाभाऊ साठे यांचा पुतळा स्थापित करण्यात यावा, या मागणीसंदर्भात माजी मंत्री विजयभाई गिरकर यांच्या नेतृत्वाखालील शिष्टमंडळाने मुंबई महानगरपालिकेच्या स्थायी समितीचे अध्यक्ष प्रभाकर शिंदे यांची भेट घेतली.
प्रभाकर शिंदे यांच्या दालनात झालेल्या बैठकीत अण्णाभाऊ साठे राष्ट्रीय स्मारकाच्या लोकार्पणाबाबत तसेच स्मारक परिसरात अण्णाभाऊ साठे यांचा पुतळा उभारण्यासंदर्भात चर्चा करण्यात आली. यावेळी शिष्टमंडळाने नाट्यगृहाचे लोकार्पण १ ऑगस्ट रोजी करण्यात यावे आणि पुतळा स्थापनेची प्रक्रिया तातडीने पूर्ण करण्यात यावी, अशी मागणी केली. (Veermata Jijabai Bhosale Udyan)
हेही वाचा : मान्सूनची महाराष्ट्रात मंदावलेली वाटचाल; एल निनोचे संकट वाढले, पुढील आठवड्यात पावसाची शक्यता?
यावर स्थायी समितीचे अध्यक्ष प्रभाकर शिंदे यांनी संबंधित महापालिका अधिकाऱ्यांना पुतळा स्थापनेसंदर्भातील कार्यवाही पूर्ण करण्याबरोबरच स्मारकाच्या लोकार्पणाचा कार्यक्रम निश्चित करण्याबाबत आवश्यक निर्देश दिले.
विजयभाई गिरकर यांच्या नेतृत्वाखालील शिष्टमंडळात मयूर देवळेकर, गणेश क्षीरसागर, सत्यवान नर यांच्यासह संबंधित अधिकारी उपस्थित होते. (Veermata Jijabai Bhosale Udyan)
सागर देवरे
सागर देवरे, सामाजिक न्याय प्रतिनिधी, दैनिक मुंबई तरुण भारत.
शिक्षण : बी.ए. एल.एल.बी. (अभ्यासक्रम सुरू).
सामाजिक व पत्रकारितेच्या क्षेत्रात कार्यरत असून विविध सामाजिक, शैक्षणिक व अन्य चळवळींवर वृत्तांकनाचा अनुभव.
समुदायाधारित प्रश्नांवर सातत्याने अभ्यासपूर्ण लेखन.
सामाजिक न्याय, हिंदू बहुजन समाजाचे प्रश्न व विद्यार्थी चळवळींवर विशेष लेखन.