विधान परिषदेच्या उमेदवारीवरुन पुण्यात राष्ट्रवादीत गोंधळ, रायगड आणि संभाजीनगरमध्ये शिवसेनेतही बंडखोरी?

 

पुणे : (Political Developments in Pune) पुणे स्थानिक स्वराज्य संस्थेच्या विधान परिषद निवडणुकीच्या उमेदवारी अर्ज दाखल करण्याच्या अखेरच्या दिवशी गोँधळ पाहायला मिळाला. माजी खासदार संजय काकडे आणि त्यांचे पुत्र विक्रम काकडे यांनी काही तासांपूर्वी राष्ट्रवादी काँग्रेसमध्ये प्रवेश केला आहे. जिजाी बंगल्यावर उपमुख्यमंत्री सुनेत्रा पवार यांच्या उपस्थितीत झालेल्या या प्रवेशानंतर विक्रम काकडे यांनी राष्ट्रवादी काँग्रेसकडून उमेदवारी अर्ज दाखल केला आहे. 

 

तर दुसरीकडे राष्ट्रवादीचे नेते आणि दिवंगत अजित पवार यांचे निकटवर्तीय असलेले सुनील टिंगरे यांनीही उमेदवारी अर्ज दाखल केला आहे. या दोन्ही नेत्यांनी उमेदवारी अर्ज दाखल केल्याने राष्ट्रवादीचा नेमका उमेदवार कोण, यावरुन गोंधळ निर्माण झाला आहे. विक्रम काकडे हे पार्थ पवार यांचे नीकटवर्तीय मानले जातात. राष्ट्रवादीत दीपक मानकर, विलास लांडे, सुनील टिंगरे यांच्यासारखे अनुभवी उमेदवारीसाठी इच्छुक असताना विक्रम काकडे यांना पक्षात प्रवेश देत त्यांना उमेदवारी दिल्याने पक्षातील निष्ठावंत नाराज असल्याची चर्चा आहे.

 

 

या निर्णायनंतर काही नाराज पदाधिकाऱ्यांनी आपल्या पदांचे राजीनामे सोपवल्याचा दावाही करण्यात येतो आहे. या दोन्ही नेत्यांना एबीफॉर्म दिल्याचेही सांगण्यात येते आहे. आता उमेदवारी अर्ज दाखल करण्याच्या अखेरच्या दिवशी कोण उमेदवारी मागे घेणार, हे पाहणे महत्त्वाचे ठरणार आहे.