गुजरातमध्ये साकारणार अत्याधुनिक जहाज दुरुस्ती केंद्र

 

हा प्रकल्प दीनदयाळ बंदर प्राधिकरण आणि कोचीन शिपयार्ड लिमिटेडयांच्या संयुक्त भागीदारीत विकसित केला जाणार आहे. ‘ब्राउनफिल्ड’ स्वरूपात उभारण्यात येणाऱ्या या केंद्रात ६५० मीटर लांबीचा जेट्टी, दोन मोठे फ्लोटिंग ड्राय डॉक, अत्याधुनिक कार्यशाळा आणि सागरी दुरुस्तीसाठी आवश्यक आधुनिक पायाभूत सुविधा उभारल्या जाणार आहेत. वाडीनारचे भौगोलिक स्थान या प्रकल्पासाठी अत्यंत महत्त्वाचे मानले जात आहे. प्रमुख आंतरराष्ट्रीय सागरी मार्गांच्या जवळ तसेच मुंद्रा आणि कांडला या महत्त्वाच्या बंदरांच्या सान्निध्यात असल्यामुळे हे केंद्र मोठ्या व्यापारी जहाजांसाठी आणि विदेशी जहाजांसाठी महत्त्वाचे दुरुस्ती हब ठरण्याची अपेक्षा आहे.(Maritime Infrastructure)

 

 

रोजगारनिर्मितीच्या दृष्टीनेही हा प्रकल्प महत्त्वपूर्ण ठरणार आहे. या केंद्रामुळे सुमारे २९० थेट रोजगार निर्माण होतील, तर सुमारे १,१०० अप्रत्यक्ष रोजगाराच्या संधी उपलब्ध होतील. याशिवाय लॉजिस्टिक्स, सहाय्यक उद्योग, एमएसएमई क्षेत्र आणि स्थानिक व्यवसायांनाही मोठी चालना मिळणार आहे. सागरी अभियांत्रिकी क्षेत्रातील कौशल्यविकासालाही या प्रकल्पामुळे गती मिळणार आहे. जहाज दुरुस्ती, तांत्रिक सेवा, उपकरणे आणि पुरवठा साखळीशी संबंधित अनेक पूरक उद्योग विकसित होण्याची शक्यता आहे.(Maritime Infrastructure)