‘मामा-मियाँ’! दोन शब्दांवर भाजपने कसा खेचून आणला आसामचा विजयरथ?

 

नवी दिल्ली : आसाम विधानसभा निवडणूकांच्या निकालानंतर मुख्यमंत्री हिमंता बिसवा सरमा हे नॉर्थ ईस्टच्या राजकारणाचे किंग असल्याचे स्पष्ट झाले आहे. सर्वसामान्य मतदारांची अचूक नस ओळखण्यात आणि हिंदू विरोधी शक्तींना चितपट करण्याची ताकद हिमंता बिसवा सरमा ठेवतात हे आजच्या निकालांनी अधोरेखित केले आहे.

 

(Image Credit - Facebook Himanta Biswa Sarma)
एकीकडे मुख्यमंत्री हिमंता राज्यातील महिलांचे मामा बनले. ज्यामुळे महिलावर्गात त्यांच्याबद्दल प्रचंड आपुलकी निर्माण झाली. सहाजिकच महिलांनी मोठ्या प्रमाणात त्यांच्या पारड्यात मतं टाकली. आसामसारख्या राज्यात भाजपसाठी हे एक इमोशनल कार्डच बनले. दुसरीकडे त्यांनी ‘मियाँ पॉलिटीक्स’ उखडून फेकण्याचा निर्धार केला ज्यात प्रचंड आक्रमक भूमिका घेतली. त्यामुळे विरोधकांना कुठल्याही प्रकारे त्यांना थोपविण्याचा मुद्दाच सापडला नाही. हिमंता यांच्या पत्नीविरोधात काँग्रेसने बनावट पासपोर्ट प्रकरणातील आरोप केले होते. मात्र, त्यावरही काँग्रेस नेते तोंडघशी पडले. परिणामी सत्तेच्या चाव्या पुन्हा भाजपला सुपूर्द केल्या आहेत.