महाराष्ट्रातील मतदार याद्यांचं होणार विशेष सखोल पुनरिक्षण, निवडणूक आयोगाकडून SIRच्या तिसऱ्या टप्प्याची घोषणा
Total Views |
नवी दिल्ली : (Election Commission Voter List) केंद्रीय निवडणूक आयोगानं गुरुवारी मतदार याद्यांच्या विशेष सखोल पुनरिक्षणाच्या तिसऱ्या टप्प्याची घोषणा केली आहे. यात महाराष्ट्र, कर्नाटक, आंध्रप्रदेश, तंलगणा, ओडिशा, पंजाब, दिल्लीसह १६ राज्यांचा आणि ३ केंद्रशासित प्रदेशांचा समावेश आहे. मतदार याद्यांच्या या पुनरिक्षणासाठी देशात सुमारे ३.९४ लाख बूथ पातळीवरील अधिकारी तैनात करण्यात येणार आहेत.
या अधिकाऱ्यांच्या मदतीसाठी राजकीय पक्ष बूथ पातळीवर ३.४२ लाख कार्यकर्ते देणार आहेत. ऑक्टोबरपर्यंत सुरु असलेल्या या पुनरिक्षणात ३६.७३ कोटी मतदारांची पडताळणी करण्यात येणार आहे.(Election Commission Voter List)
हेही वाचा : NEET 2026 Paper Leak: NEET पेपरफुटीचे धागेदोरे अहिल्यानगरपर्यंत! नाशिकनंतर आणखी एक अटक
महाराष्ट्र आणि कर्नाटकात सर्वाधिक मतदारसंख्या
ज्या १६ राज्यांत आणि ३ केंद्रशासित प्रदेशात ही प्रक्रिया राबवण्यात येणार आहे, त्यात महाराष्ट्र आणि कर्नाटकात जास्त मतदार आहेत.
महाराष्ट्र- ९.८६ कोटी मतदार
कर्नाटक- ५.५५ कोटी मतदार
आंध्र प्रदेश- ४.१६ कोटी मतदार
ओडिशा- ३.३४ कोटी मतदार
तेलंगणा- ३.३९ कोटी मतदार
झारखंड- २.६४ कोटी मतदार
पंजाब-२.१४ कोटी मतदार