US-Iran War: ४५ दिवसांची युद्धबंदी होणार? अमेरिका – इराणमध्ये गुप्त चर्चा; पडद्यामागे नेमकं काय घडतंय?

अॅक्सिऑस वृत्तसंस्थेने दिलेल्या माहितीनुसार, पाकिस्तान, इजिप्त आणि तुर्कीये हे देश मध्यस्थीचे प्रयत्न करत आहेत. अमेरिकेचे दूत स्टीव विटकॉफ आणि इराणचे परराष्ट्र मंत्री अब्बास अराघची यांच्यात थेट संदेशांची देवाणघेवाण होत आहे. दरम्यान, सध्याच्या चर्चेत असलेल्या आराखड्यात दोन टप्पे आहेत. पहिल्या टप्प्यात ४५ दिवसांची युद्धबंदी लागू केली जाईल. तर, दुसऱ्या टप्प्याचे उद्दिष्ट युद्ध पूर्णपणे संपवण्यासाठी व्यापक चर्चा केली जाणार आहे. पण, होर्मुझची सामुद्रधुनी पूर्णपणे खुली करणे, इराणच्या अतिसंवर्धित युरेनियमचा साठा यावरुन अद्याप मतभेद असल्याचे मध्यस्थींचे मत आहे. (US-Iran War)