Indian Oil : देशभरात एलपीजीचा पुरवठा सुरळीत

इंडियन ऑइलकडून (Indian Oil) दररोज सुमारे २८ लाख एलपीजी सिलिंडर्सचे वितरण केले जात असून, हे प्रमाण पूर्वीप्रमाणेच नियमित आहे. त्यामुळे देशात एलपीजीचा कोणताही तुटवडा नसल्याचे कंपनीने सांगितले आहे. ग्राहकांनी एलपीजी बुकिंगसाठी एसएमएस आणि आयव्हीआरएससारख्या डिजिटल माध्यमांचा वापर करावा, असे आवाहन करण्यात आले आहे. सध्या जवळपास ८७ टक्के बुकिंग डिजिटल प्लॅटफॉर्मद्वारे होत आहेत. तसेच, सिलिंडर योग्य ग्राहकांपर्यंत पोहोचण्यासाठी डिलिव्हरी ऑथेंटिकेशन कोड प्रणालीचा वापर केला जात आहे.(Indian Oil)

काळाबाजार आणि साठेबाजी रोखण्यासाठी विशेष पथके

काही वितरकांकडून गैरप्रकार होत असल्याच्या तक्रारींची दखल घेत इंडियन ऑइलने (Indian Oil) कठोर कारवाई सुरू केली आहे. काळाबाजार आणि साठेबाजी रोखण्यासाठी विशेष पथके नेमण्यात आली असून आतापर्यंत ७,५०० हून अधिक तपासण्या करण्यात आल्या आहेत. यात १४१ वितरकांवर कारवाई करण्यात आली असून, ५ वितरकांचे परवाने निलंबित करण्यात आले आहेत. याशिवाय, राज्य सरकारांच्या सहकार्याने मोठ्या प्रमाणावर धाडी टाकण्यात आल्या आहेत. आतापर्यंत ६८,००० धाडी, ८५५ एफआयआर आणि ४८,००० हून अधिक सिलिंडर्स जप्त करण्यात आले आहेत.(Indian Oil)

अनावश्यक साठा करू नये

इंडियन ऑइलने (Indian Oil) ग्राहकांना आवाहन केले आहे की, कोणत्याही अफवांवर विश्वास ठेवू नये, एलपीजीसाठी रांगा लावू नयेत किंवा अनावश्यक साठा करू नये. अधिकृत माहितीवरच विश्वास ठेवावा, असेही सांगण्यात आले आहे. एलपीजीचा पुरवठा सुरळीत ठेवणे, वितरणात पारदर्शकता राखणे आणि गैरप्रकारांवर कठोर कारवाई करणे यासाठी इंडियन ऑइल पूर्णपणे कटिबद्ध असल्याचे कंपनीने स्पष्ट केले आहे.(Indian Oil)