BMC Green Bond Scheme : महापालिका ग्रीन बाँडद्वारे निधी उभारण्याच्या तयारीत
क्रेडिट रेटिंग एजन्सीसाठी निविदा नियमांमध्ये शिथिलता देण्याची मागणी
Total Views |
_202604291455492141_H@@IGHT_350_W@@IDTH_696.jpg "BMC Green Bond")
मुंबई : (BMC Green Bond Scheme) बृहन्मुंबई महानगरपालिका मोठ्या पायाभूत प्रकल्पांसाठी ग्रीन बाँडच्या माध्यमातून निधी उभारण्याच्या दिशेने पावले उचलत आहे. त्याअंतर्गत महापालिकेने क्रेडिट रेटिंग एजन्सीची नियुक्ती करण्यासाठीच्या निविदा प्रक्रियेत एका महत्त्वाच्या अटीमध्ये शिथिलता देण्याचा प्रस्ताव मांडला आहे.
स्थायी समितीसमोर सादर करण्यात आलेल्या प्रस्तावात, मुंबई महानगरपालिका अधिनियम 1888 मधील कलम 72(3) अंतर्गत अधिकृत संकेतस्थळावर निविदा प्रसिद्ध करण्याच्या बंधनातून पूर्वलक्षी प्रभावाने सूट देण्यास मंजुरी मागण्यात आली आहे.(BMC Green Bond Scheme)
अधिकाऱ्यांच्या माहितीनुसार, हे काम अत्यंत विशेष स्वरूपाचे असल्याने आणि या क्षेत्रात मर्यादित संख्येनेच अशा एजन्सी कार्यरत असल्याने ही सूट आवश्यक आहे. या एजन्सी भारतीय प्रतिभूती आणि विनिमय मंडळ (सेबी) यांच्या नियमनाखाली कार्य करतात.(BMC Green Bond Scheme)
हेही वाचा : Mumbai Ahmedabad bullet train update : बुलेट ट्रेन प्रकल्पात तब्बल १२ मजली इमारतीइतका उंच पूल
ग्रीन बाँडच्या माध्यमातून निधी उभारण्याच्या योजनेअंतर्गत बीएमसीने हे पाऊल उचलले असून, त्यातून अनेक महत्त्वाच्या प्रकल्पांना आर्थिक मदत मिळणार आहे. यामध्ये मुंबई सांडपाणी प्रकल्प फेज-२ अंतर्गत वरळी, धारावी, वर्सोवा, भांडुप, घाटकोपर, वांद्रे आणि मालाड येथे सांडपाणी प्रक्रिया केंद्रे उभारण्याचा समावेश आहे.(BMC Green Bond Scheme)
याशिवाय समुद्राच्या पाण्याचे पिण्यायोग्य पाण्यात रूपांतर करण्यासाठी डिसॅलिनेशन प्रकल्प, जलसुरंग (वॉटर टनेल) बांधकाम तसेच गर्गई धरण प्रकल्पांचाही प्रस्तावित योजनांमध्ये समावेश आहे. या सर्व प्रकल्पांसाठी मोठ्या प्रमाणात निधीची आवश्यकता असून, तो ग्रीन बाँडच्या माध्यमातून उभारण्याची योजना आखण्यात आल्याचे महापालिका अधिकाऱ्यांनी सांगितले.(BMC Green Bond Scheme)