Brihanmumbai Municipal Corporation : महापालिकेत कागदविरहित कामकाजाची मागणी!
नगरसेवक मकरंद नार्वेकर यांचे आयुक्तांना पत्र
Total Views |
_202604271926319934_H@@IGHT_350_W@@IDTH_696.jpg "BMC")
मुंबई : ( Brihanmumbai Municipal Corporation) बृहन्मुंबई महापालिकेत सभागृह तसेच स्थायी आणि विशेष समित्यांच्या बैठकींसाठी कागदविरहित पद्धत लागू करण्याची मागणी भाजपचे नगरसेवक मकरंद नार्वेकर यांनी केली आहे. यासंदर्भात त्यांनी महापालिका आयुक्त अश्विनी भिडे यांना पत्र दिले आहे.
बैठकींसाठी छापील अजेंडा व इतिवृत्ताऐवजी संगणकीय स्वरूप स्वीकारल्यास दर आठवड्याला मोठ्या प्रमाणात कागदाची बचत होऊ शकते. त्यामुळे नगरसेवकांच्या घरी कागदपत्रे पोहोचवण्याची गरज कमी होऊन खर्चात बचत होईल आणि प्रशासकीय कामकाज अधिक सुलभ होईल.( Brihanmumbai Municipal Corporation)
तसेच, बैठकींचे अजेंडा व इतिवृत्त महापालिकेच्या संकेतस्थळावर सर्वांसाठी उपलब्ध केल्यास कामकाज अधिक पारदर्शक होईल आणि नागरिकांना माहिती सहज मिळेल, असे त्यांनी पत्रात स्पष्ट केले.
हेही वाचा : Auto Drivers Marathi Rule: टॅक्सी आणि रिक्षाचालकांना मोठा दिलासा! मराठी सक्तीच्या निर्णयाला तात्पुरती स्थगिती...
या बदलासाठी सर्व नगरसेवकांना वहनयोग्य संगणक किंवा हातातील संगणक साधने उपलब्ध करून देण्याची तसेच अधिकृत कागदपत्रांसाठी सुरक्षित संदेशव्यवस्था सुरू करण्याची सूचना त्यांनी केली आहे. गोपनीय विषयांसाठी स्वतंत्र ओळख क्रमांक देऊन नियंत्रित प्रवेश ठेवता येईल व माहितीची सुरक्षितता राखता येईल, असेही त्यांनी सांगितले.( Brihanmumbai Municipal Corporation)
कागदविरहित पद्धतीमुळे प्रशासन अधिक कार्यक्षम होण्याबरोबरच नागरिकांचा सहभागही वाढेल, असा विश्वास नगरसेवकांनी व्यक्त केला आहे.( Brihanmumbai Municipal Corporation)