Narishakti Vandan महिलांचा सन्मान करण्याची संधी विरोधकांनी गमावली - एकनाथ शिंदे

 

मुंबई : (Narishakti Vandan) "नारीशक्ती वंदन विधेयक जे पंतप्रधान नरेंद्र मोदी यांनी आणले होते त्याबद्दल त्यांचे सर्वप्रथम मी अभिनंदन करतो. महिलांचा सन्मान करण्याची,त्यांना आत्मनिर्भर करण्याची संधी विरोधी पक्षांना या विधेयकाच्या निमित्ताने चालून आली होती. पण त्यांनी ती संधी गमावली आहे. त्यामुळे हा दिवस देशाच्या इतिहासातील काळा दिवस आहे. काँग्रेससह त्यांच्या मित्र पक्षांचा महिलाविरोधी खरा चेहरा समोर आला आहे. त्यामुळे मी त्यांचा धिक्कार करतो. महिलांच्या अधिकारांना काढून घेण्याचे आणि लोकशाहीची हत्या करण्याचे काम विरोधकांनी केलं आहे. जसे महाराष्ट्रात लाडक्या बहिणीनी विरोधी पक्षांना धडा शिकवला, तसेच देशातील महिला त्यांचे लाडके भाऊ पंतप्रधान नरेंद्र मोदी यांना साथ देतील आणि देशातील विरोधी पक्षांना धडा शिकवतील." असे रोखठोक प्रतिपादन उपमुख्यमंत्री एकनाथ शिंदे यांनी रविवार दि.१९ रोजी केले.