Donald Trump : "असे पोप नको...", म्हणत ट्रम्प यांनी स्वतःचाच 'देवदूत' अवतारातला फोटो केला पोस्ट

 

ट्रम्प यांची पोस्ट

"पोप लिओ हे गुन्हेगारी रोखण्यात दुबळे आणि परराष्ट्र धोरणाबाबत अत्यंत वाईट आहेत. ते ट्रम्प प्रशासनाच्या 'भीती'बद्दल बोलतात, पण कोव्हिडच्या काळात कॅथोलिक चर्च आणि इतर ख्रिश्चन संघटनांमध्ये जी भीती होती, त्याबद्दल ते काहीच बोलत नाहीत. त्यावेळी चर्चमध्ये प्रार्थना सभा घेतल्याबद्दल पाद्री, मंत्री आणि इतर सर्वांना अटक केली जात होती. अगदी लोक बाहेर असताना आणि एकमेकांपासून दहा-वीस फूट लांब असतानाही. मला त्यांचा भाऊ लुईस, लिओपेक्षा जास्त आवडतो, कारण लुईस पूर्णपणे MAGA (Make America Great Again) विचारांचा आहे. त्याला गोष्टी समजतात, पण लिओला नाही!", असं डोनाल्ड ट्रम्प म्हणाले.

 

"लिओने कृतज्ञ असायला हवे, कारण सर्वांना माहीत आहे की त्यांची निवड एक धक्कादायक आश्चर्य होते. पोप होण्याच्या कोणत्याही यादीत त्यांचे नाव नव्हते. चर्चने त्यांना तिथे फक्त यासाठी बसवले कारण ते अमेरिकन होते आणि त्यांना वाटले की अध्यक्ष डोनाल्ड जे. ट्रम्प यांच्याशी व्यवहार करण्याचा हा सर्वोत्तम मार्ग असेल. जर मी व्हाईट हाऊसमध्ये नसतो, तर लिओ व्हॅटिकनमध्ये नसते. दुर्दैवाने, लिओची गुन्हेगारी आणि अण्वस्त्रांबाबतची मवाळ भूमिका मला पटणारी नाही. तसेच, ते डेव्हिड एक्सेलरोड सारख्या ओबामा समर्थकांना भेटतात, जे डाव्या विचारसरणीचे अपयशी लोक आहेत आणि ज्यांना चर्चमध्ये जाणाऱ्यांना आणि धर्मगुरूंना अटक व्हावी असे वाटत होते. लिओने पोप म्हणून आपली वागणूक सुधारावी, व्यवहारी बुद्धीचा वापर करावा, कट्टर डाव्यांचे लाड करणे थांबवावे आणि राजकारणी न होता एक 'महान पोप होण्यावर लक्ष केंद्रित करावे. यामुळे त्यांचे स्वतःचे खूप नुकसान होत आहे आणि त्याहीपेक्षा महत्त्वाचे म्हणजे, कॅथोलिक चर्चचे नुकसान होत आहे!" असे ट्रम्प यांनी स्पष्ट केले.